Kafedra nomi: “Tasviriy san’at va muhandislik grafikasi”
Kafedra tarixi: Tasviriy san’at va muhandislik grafikasi kafedrasi 2018-yil tashkil topgan. Kafedra shu davrda 9 nafar professor-o‘qituvchilar bilan ish boshlagan bo‘lib, ulardan 1 nafar fan nomzodi, 1 nafar dotsent v.b. va 2 nafari katta o‘qituvchilar edi. Kafedrani dotsent v.b. X.A.Turayev boshqarib kelmoqda. Qisqa muddatda kafedra malakali kadrlar bilan ta’minlanib, professor-o‘qituvchilarning soni va sifati oshirilgan.
Hozirda kafedrada 1 nafar fan nomzodi (PhD), 2 nafar dotsent v.b., 1 nafar katta o‘qituvchi va 5 nafar o‘qituvchi – jami 9 nafar professor-o‘qituvchilar asosiy shtatda faoliyat ko‘rsatib, soatboy asosida ishlovchi 1 nafar fan doktori, professor, 1 nafar fan nomzodi, professor va 1 nafar dotsent ta’lim-tarbiya ishlariga jalb qilingan.
Maqsad:
Tasviriy san’at va muhandislik grafikasi kafedrasi talabalarga yangi O‘zbekistonda oshirilayotgan ijtimoiy, ma’naviy, madaniy va siyosiy islohatlarni anglay oladigan, o‘z-o‘zini boshqarish, ijodiy fikrlash qobiliyatiga va global tafakkurga ega, san’at va pedagogik sohalarga oid bilim va malakalarni chuqur egallagan, yuqori malakali va raqobatbardosh kadrlar tayyorlashni maqsad qiladi.
Kafedrada o‘qitiladigan ta’lim yo‘nalishlari:
Bakalavriat:
1. 5110800-Tasviriy san’at va muhandislik grafikasi;
Sirtqi:
5110800-Tasviriy san’at va muhandislik grafikasi;
Magistratura
5A110802-Muhandislik grafikasi va dizayn nazariyasi.
Kafedrada olib borilayotgan ilmiy ishlar
Tasviriy san’at va muhandislik grafikasi kafedrasi qoshida 5110800- Tasviriy san’at va muhandislik grafikasi bakalavriat (kunduzgi va sirtqi) ta’lim yo‘nalishi va 5A110802-Muhandislik grafikasi va dizayn nazariyasi magistratura mutaxassisligi mavjud.
Shuningdek, “Pedagog-rassom”, “Yosh musavvir” va “Yosh muhandis” nomli amaliy to‘garaklari faoliyat ko‘rsatadi.
Kafedrada 2 nafar: X.A.Turayev “Bo‘lajak chizmachilik fani o‘qituvchilarining loyihalash kompetentligini rivojlantirish metodikasi” mavzusida va I.Ch.Mamatqulov “Tasviriy san’at darslarida boshlang‘ich sinf o‘quvchilarining ijodiy faoliyatini rivojlantirish metodikasi” mavzusida pedagogika fanlari bo‘yicha falsafa doktori (PhD) ilmiy darajasini olish uchun ilmiy izlanishlar olib bormoqda.
Barcha o‘qituvchilarning ilmiy ishlar bilan shug‘ullanishlari uchun sharoitlar yaratilgan. Ular ilmiy safarlarga yuborilmoqda.
Kafedrada olib borilayotgan ilmiy-uslubiy ishlar
darslik va o‘quv qo‘llanmalar
2021-2022-o‘quv yilining birinchi yarim yilida kafedra professor-o‘qituvchilari tomonidan 9 ta EHM uchun yaratilgan dasturlar va 1 ta elektron darsligiga O‘zRes Intellektual mulk agentligi tomonidan guvohnomalar olindi, 3 ta monografiya, 2 ta o‘quv qo‘llanma va 8 ta uslubiy qo‘llanmalar nashr etildi.
Ilmiy maqolalar
2021-2022-o‘quv yilining birinchi yarim yilida kafedra professor-o‘qituvchilari tomonidan OAK ro‘yxatidagi xalqaro ilmiy jurnallarida 36 ta, Respublika ilmiy jurnallarida 8 ta maqola, xalqaro ilmiy –amaliy anjumanlarida 6 ta, Respublika ilmiy-nazariy anjumanda 16 ta tezislar chop etildi.
Kafedra mudiri X.A.Turayev tomonidan xalqaro miqyosda indekslanadigan (google schoolar) jurnallarda nashr etgan ilmiy maqolalariga 8 ta, A.E.Turakulov tomonidan nashr etilgan ilmiy maqolalariga 4 ta va Sh.N.Mamatqulov tomonidan nashr etilgan ilmiy maqolalariga 6 ta iqtibosliklar ko‘rsatilgan.
Bitiruvchilarimiz:
· pedagogik;
· ta’lim-tarbiya;
· tashkiliy-boshqaruv.
- Prezident maktablari, umumiy o‘rta ta’lim maktablari, ixtisoslashtirilgan san’at maktablari va internatlari, kasb-hunar maktablari, akademik litseylar, texnikumlar, ta’lim muassasalarida o‘qituvchi - pedagog;
- bolalar ijodiyoti markazlarida tasviriy va amaliy san’at, loyhalash, konstruktorlik faoliyati bilan bog‘liq to‘garaklarga rahbarlik qilishi;
- ishlab chiqarish korxonalarida dizayn sohasida dizaynerlik, arxitektura-qurilish sohalarida loyihachi, konstruktorlik byurolarida loyiha ishari bilan shug‘ullanuvchi mutaxassis, kulol, yog‘och o‘ymakori, ganch o‘ymakori, naqqoshlik hamda boshqa turdagi xalq hunarmandchiligi sohalarida bezakchi rassom bo‘lib ishlashi;
- O‘zbekiston Respublikasi Fanlar akademiyasi, O‘zbekiston Badiiy akademiyasi va tarmoq ilmiy-tadqiqot institutlarida hamda mustaqil tadqiqotchi sifatida ilmiy-pedagogik tadqiqot ishlari bilan shug‘ullanishi;
- ta’lim tizimida kabinet mudiri, metodist, maktabgacha ta’lim muassasalarida tarbiyachi, umumiy o‘rta ta’lim muassasalarida psixolog bo’lib ishlashi;
ommaviy axborot vositalari, davlat boshqaruvi organlari, boshqa davlat va nodavlat muassasalarida kasbiy faoliyat yuritishi.
